八方噚日講過，國際釋迦文化中心主席郭兆明為環保提倡「不燒衣的盂蘭勝會」，即日就收到中華紙業商會傳真抗議，話要駁斥郭主席嘅言論。
商會理事長鄭明亮舉出五大理由：第一，盂蘭燒衣係尊重先人嘅表現；第二，祭祖又係傳統美德；第三，只要政府部門配合就唔會破壞環境；第四，以捐贈慈善機構代替燒衣，係限制自由嘅自私行為（呢點八方唔多明解邏輯何來）；最後亦係最重要嘅一點，就係話呢個行業有幾萬個從業員，阻止燒衣只會製造失業！
講到失業，特首聽到一定兩眼發光，話唔定會將香港定位為「燒衣港」，製造多啲就業機會都唔定。
傳真︰2623-9278
電郵︰