徐子淇、李嘉慧和陳霽平昨日在中港城出席「美少女活力顯風姿」的時裝表演，當中徐子淇的衣着較為密實，她說：「今日着咗五套衫，但絕對冇性感。不過我都想趁青春留倩影，想搵人幫自己拍大膽寫真，日後留番畀老公一個人睇。我返咗嚟香港一排，好努力接工作做，目的都係為咗儲錢買樓，心目中想喺半山買屋。」
而昨日以陳霽平的衣着最性感，她穿上全黑吊帶透視裝，清楚看到她內裏着了T-back。記者問陳霽平為何如此性感，她說：「唔係好性感啫！我入面都打晒底，我亦唔信着T-back會生痔瘡，我就冇呢啲問題。」雖然她如此說，但當記者在現場用數碼攝影機給她看回剛拍下的性感照片時，她亦顯得很愕然。
採訪：林妙萍 攝影：黃文成