楊其龍與緋聞女友MaggieQ前晚各自與友人到灣仔會展，欣賞Guccifashionshow。楊其龍甫到場，即熱情撫摸MaggieQ臉頰，並突如其來吻了MaggieQ面頰一下，而MaggieQ亦欣然接受，更摸對方臉頰回禮。
楊其龍（Gilbert）前晚與一班外籍友人到灣仔會展欣賞Guccifashionshow，入場時他巧遇緋聞女友MaggieQ，MaggieQ則與黃佩霞等模特兒朋友結伴赴會。
Gilbert即發揮其搞笑性格，先摸MaggieQ的面頰，繼而再於眾多記者面前突然向MaggieQ獻吻，而一向鬼妹仔性格的MaggieQ亦欣然接受，又摸他左邊面回禮。問MaggieQ送甚麼禮物給日前三十五歲生日的Gilbert？她心情大靚說：「我嗰日要開工，不過之後我已經送咗個煙灰缸畀佢。」
早前與MaggieQ傳緋聞的陳鴻業，前晚偕太太施念慈恩愛地欣賞fashionshow。記者告知MaggieQ陳鴻業亦有到場，MaggieQ一臉不悅地以英語說（意譯如下）：「真係好荒謬，我唔可以有朋友咩？」
其後，MaggieQ離開時心平氣和地說：「我唔會在乎傳媒點寫，我已經習慣，但係你哋咁樣寫Alan（指陳鴻業），咁會影響佢哋嘅婚姻。我唔想因為我影響人哋，有啲傳媒成日自己寫佢哋嘅故事，我唔想因為佢哋而變得咁『寸』。」有記者建議MaggieQ公開真命男友，她笑說：「每一個男仔都係我嘅男朋友，若然我真係有男友，我會帶出嚟。」
而昨日凌晨一時許，Gilbert、GSpot拍檔Gordan及女友Sofia等一眾外籍友人一同離開會展，Gilbert一臉酒氣，又不時起飛腳和做鬼臉。問Gilbert生日收了甚麼禮物，他表示父親楊受成送了一盆花給他，他說：「佢送咗一盆花畀我做生日禮物，係一盆好肉酸嘅花，不過我真係好開心，我咁大個仔，佢第一次送生日禮物畀我。」其後一行人又到中環KeeClub耍樂。