日本六人組合V6將於十一月來港開演唱會，他們前日在日本台場公開一顯廚藝，將傳統日本美食設計成適合香港人口味，越洋冧香港fans之餘，又為V6新推出的烹飪書籍《VVV6SuperJunkFoodBook》宣傳。
其實V6一直愛在其節目《V6瀛仔派對》的廚藝環節中，分隊將各國著名佳餚煮成誇張版，來個創意廚藝鬥一番。而前日其中四位成員井之原快彥、長野博、三宅健及岡田准一，在數萬人中抽選出來的一千位fans面前，一展廚技。
井之原用七種顏色麵條炒成「七彩炒蕎麥麵」，長野用韓國泡菜加明太子製成「勁辣炸薯餅」，三宅健負責「白飯納豆手卷薄餅」，而岡田則炮製直徑達八厘米大的「超巨型燒墨魚丸」，單是菜名已夠嚇人。
不過四位成員似乎都不太敢品嘗自己的手勢，但有份品評的fans卻大呼好食好感動。事後三宅健說：「我哋嘅手勢其實真係唔係幾入得口，但係本書就會教大家正確嘅烹調方法。不過咁好玩嘅烹飪比賽真係想玩多次。」而主辦單位表示V6知道《V6瀛仔派對》快將再次在香港播出，所以他們前日在台場所整的食物特別配合香港人口味。