劉德華前晚邀請了好友張衛健出席面對困境的分享會，當中張衛健暗寸黎明愛上頭條做宣傳，以及梁朝偉待人冷酷，十分出位。
劉德華（華仔）和張衛健等，前晚出席在九龍灣國際展貿中心舉辦的「道地綠茶903劉德華綠色假期」。
張衛健前晚在活動上大讚華仔有三個優點，他說：「以前同華仔合作拍戲，佢對我循循善誘，教我點去演繹角色。我都試過同偉仔（梁朝偉）拍戲，但佢就cool好多。早前我見到華仔塊面傷咗，問佢乜嘢事，華仔話做慈善活動整親，我就問佢咁咪做晒頭條，但華仔話將單新聞壓得好低。
「我同佢講畀黎生（黎明）同自己，一定將單新聞有咁行煲到咁行，重係為慈善整親，重唔攞晒分。」
張衛健又讚華仔拍攝電影《暗戰》時，親自上陣演出高難度動作，十分敬業樂業。張衛健在台上雖然褒獎華仔，但言語間卻暗踩黎明和梁朝偉。
此外，華仔近日備受官司纏繞，他前晚邀請觀眾上台，碰巧對方是律師，華仔笑言要求對方留下電話號碼，方便日後諮詢意見。
華仔前晚更說：「嗰件事（指官司）發生咗咁耐，但都冇影響我唱片成績。如果唔畀我拍，咪休息吓囉。」對於張衛健暗寸黎明和梁朝偉，他說：「佢咁講我都有啲意外，我覺得偉仔不嬲都係好少講嘢。」
採訪：胡比
攝影：陳偉權