新地啱啱搞掂馬灣珀麗灣，即刻又要諗點賣屯門愛琴海岸。唔知係唔係代理幫手宣傳珀麗灣時，諗嘅橋層出不窮，有無盡嘅想像力，發展商都自愧不如，所以聽講新地Eric周使出笑傲江湖中任我行嗰招吸星大法，今日分段搵咗5大代理嘅頭頭上去「腦震盪」一番，將建議嘅宣傳手段，同「一Q清袋」嘅賣樓策略，有咁多吸咁多。當然，喺之前要畀啲甜頭，就係噚日率先招呼代理睇愛琴海岸示範單位。