最近煲呔閉門搞人口政策，話香港出生率係世界最低，未來人口老化情況嚴重；其實西方國家早受此苦。今期《經濟學人》封面故事，就話美國自九十年代，出生率不跌反升，每個婦女生二點一個嬰兒，超越咗歐洲！到二○二○年十四歲以下兒童佔整體人口比率高達百分十八點八，連出名生育率高嘅中國都超過，真係巴閉！究竟花旗佬有乜計將人口老化勢頭扭轉，鼓勵人生育呢？
文章話主要原因係美國喺九十年代經濟上升，令國民對社會有信心，認為美國係適合下一代生活的國家，所以十分願意生育。八方睇到此處恍然大悟，記起煲呔話香港生育率得個零點九，即係話香港婦女已經用佢哋個肚，投咗日以繼夜努力不懈嘅阿董不信任一票！
（圖）睇怕阿董都係時候學吓「管治」婦女們嘅肚。
傳真︰2623-9278
電郵︰