何韻詩、黃伊汶及周永恒昨日在大角嘴奧海城出席「Monlune追尋原美人」選舉總決賽，並擔任表演嘉賓，而楊琤則出任評判，比賽結果由梁寶琪奪得「原美人大獎」。
被問到扮靚心得時，何韻詩說：「我比較懶，覺得做足清潔就夠，以前未入行唔化妝，𠵱家為工作要化妝，初時都好唔慣，塊面重起油脂粒，好彩慢慢適應，𠵱家皮膚都算過得去。」
而楊琤最近則到了俄羅斯旅遊兼為時裝及珠寶設計工作搜集資料，她說：「呢次除咗可以睇到當地文化同一償遊俄羅斯心願之外，最開心係攞到好多創作靈感，而最難忘嘅係去到一啲地道餐廳食飯，言語不通要出盡法寶先點到菜，最驚險係朋友俾個細路搶手袋，好彩及時發覺保不失。」