郭富城昨日往黃埔和五百名市民齊創最多陀螺同時間同地點轉動的世界紀錄，對於有報道指日本性感女星藤原紀香向日本傳媒透露感情出現問題，清楚看過有關新聞的他，即時為好友澄清，但卻前言不對後語。
郭富城（Aaron）昨日在黃埔與五百位市民，齊創最多陀螺同時間同地點轉動的世界紀錄，其間他與一班小朋友表演由他主唱的卡通片主題曲《爆裂旋風》時，顯得春風滿面。
日前Aaron出席公開活動時，還戴着由緋聞女友、日本性感女星藤原紀香所送的頸鏈，昨天卻未見他戴上。日前日本有報道指紀香透露現在感情出現問題，有關報道難免令人揣測與Aaron有關。
對於上述報道，Aaron表示不願多談感情事，問他是否紀香與男友加藤雅也的第三者，他說：「我完全唔明白問乜？問題距離得太遠啦！」會否致電問候紀香？Aaron說：「唔講啦，全世界嘅人對藝人嘅感情生活興趣大過佢哋嘅工作，我嘅感情好撲朔迷離、好多問號，如果我真係結婚，我實會公布嘅。」不過事後Aaron卻否認自己的感情生活有問題，只是概括講所有藝人。
Aaron又替紀香感不值，指她的訪問被歪曲了意思，他不斷維護紀香說：「我有睇報道，但係歪曲咗去講感情，佢喺網上都有澄清啦！佢只係想講之前去阿富汗時候見到嘅情況。佢一個女仔好辛苦不顧危險，講番見到嘅嘢都係想所有人關注吓當地小朋友，但係俾人誤會咗佢嘅意思。作為一個藝人，見佢去做探訪，我好感動。如果作為一個女性讀者，會覺得佢係一個好勇敢嘅女性。」
採訪、攝影：王連連