珍珠沙梨可以話係縮水版沙梨，Size比一個乒乓波重要細少少，珍珠沙梨同大大個沙梨除咗Size上有分別之外，原來食味都有唔同，珍珠沙梨係醃酸梨，單從外表都睇唔出，要食落至知，味道酸酸甜甜，尤其是無乜胃口時，作為零食食番粒，都幾醒胃，一磅都有八至十個，幾抵食㗎，因為係醃酸關係，比一般沙梨更襟擺。
我肥師奶今次要介紹嘅係一款鮮果汁，而且重係新產品，首次由泰國入口，家陣正式喺超市出售無耐。呢款鮮果汁味清而不甜，除成份天然，不含人造色素外，果汁重添加維他命A、C、E、B12及鈣質，更有益健康。有七種味道供選擇，包括雪梨、泰國柚汁、楊桃、雜果、雜菜、甘笋及紅提。亦有容量200毫升細包方便裝，每包$3.5。
文：肥師奶