問責制實行前後，本地政壇及傳媒圈出現咗一種威水人物，叫Mr.Source（《南華早報》權威財經專欄「MONITOR」主筆JakevanderKamp用語，不敢掠美）。仙股風波爆發，Mr.Source更加活躍，一時話要棄鄺保馬，一時又話要移動金管局高層，一時又話唔同沈主席續約，總之就Source滿天飛，時時盡攬報紙頭版。
JakevanderKamp對Mr.Source深惡痛絕，上周一在專欄內直斥此等見不得光嘅行徑非公僕所應為，係懦夫，同坑渠老鼠冇分別。
JakevanderKamp文章擲地有聲，鬧得好過癮；不過，上周一文章出街後，個專欄就換咗人寫，話佢老哥「放假」喎；打咗幾日電話都搵唔到人。
八方好想問吓誰是Mr.Source？暫時所知，數鄺其志三宗罪者，在文章見報之日同報館高層見過面；而導演金管局換人事件者，就唔係梁錦松。
（圖）唔知鄺其志自己知唔知邊個暗算佢呢？
傳真︰2623-9278
電郵︰