九人女子組合Cookies出道時憑着一曲《心急人上》成名，而當時由專人設計的制服至今穿足兩個多月，Cookies昨日再度以該制服出席活動，明顯看見她們身上的白色短裙由昔日的純白色變得又黃又皺，Cookies更坦言洗咗條裙就冇得着。
由九位少女組成的樂壇組合Cookies趁着暑假快要完結而力谷宣傳，昨日一連出席兩個宣傳活動，先後在灣仔會展中心及九龍塘又一城溜冰場亮相。
Cookies在兩個多月前推出第一首主打歌曲《心急人上》時，唱片公司專誠找來名設計師TomasChan為九位成員設計了一套背心制服。
而連日來Cookies不論大小場合均以該套制服示人，Cookies昨日亦依舊穿着制服現身，她們下身所穿的白色短裙明顯地發黃，似是十分殘舊，尤其是Elaine和Serena身上的短裙，明顯又皺又黃，看來也有一段時間沒有清洗過。
對此Gloria直認太忙無時間洗衫，她解釋說：「呢排着得密咗啲，日日都要出席活動，洗咗就冇得着，但我哋有衫換㗎，𠵱家總共有五套上衣同四套下身配搭，不過我哋屋企（指宿舍）真係冇洗衣機，但攞去街乾洗又縮水，雖然平時我哋好忙，但會盡量分工合作做家務。」而Theresa則說：「我哋就嚟有新衫着㗎嘞。」
而一向性感兼活躍的Miki，昨日在灣仔出席活動，在玩遊戲彎低身時險些走光。Cookies中的三位成員Kary、Elaine和Gloria都會在九月返學，來自澳門的Elaine並不擔心人氣因此下跌，反而擔心冇得瞓，因為又要返學，又要來往香港和澳門，十分頻撲。
採訪、攝影：王連連、卓寶花