早排蘭西提過，長實話因為長沙灣凱帆軒未賣得，原為佢而設嘅尖沙嘴巨型廣告位，就暫時宣傳住第二個盤尖沙嘴港景峯。 蘭西近日又經過上址，發現幅巨型海報已經換咗畫，但唔係真命天子凱帆軒，而係上個禮拜做內購嘅長沙灣泓景臺二期。 長實最近公布，將推出凱帆軒，示範單位都開放埋，點解幅海報重未換上呢？唔通趙生掛住截人胡，唔記得呢樣嘢？抑或另有玄機。