Tiffany空中踩鋼嚇到喊

李蘢怡（Tiffany）、麥浚龍（Juno）及Shine昨日出席在西貢舉行的「Lipton去！你有的是ＸＸ大引發」活動，四人分別參與不同遊戲項目，然後又一齊比賽玩「人肉足球機」。

「想返轉頭」
Tiffany玩「空中踩鋼」，要徒步走過十二呎高的鋼架，她相當膽怯，顯得十分驚，幾經辛苦才完成二十呎長的旅程，而且完成遊戲回到地面時，更激動得哭起來，她說：「行第一步時已經好驚，腳都震埋。行到一半真係好想返轉頭，不過咁多人睇住，一定要撐落去，所以能夠完成真係激動到喊。」
Juno則玩「彈弓人」遊戲，將幾條橡筋縛上身，凌空做出翻觔斗的動作；而Shine參與的遊戲則是「空中鋼琴」。
此外，Tiffany和陳文媛昨日又到大埔海濱公園，出席「香港童軍總會ＩＴ定向大追蹤」活動，二人擔任隊長與童軍一起玩野外定向。