昨日有報道指章小蕙母親力數前女婿鍾鎮濤（阿B）七宗罪，章小蕙昨日在其中環時裝店舉行記者會，她眼泛淚光說：「阿B做電台訪問講個仔，章家開家庭會議，全家都好憤怒。」
章小蕙續說：「阿B係好人，但佢唔係稱職嘅爸爸，我考慮攞番仔女嘅（完全）撫養權。阿B喺電台講嘅嘢，范姜應有責任。我真係嫁錯人，我啲朋友離婚都有樓揸手，我重要倒貼。」章小蕙又表示想儲錢送兒子鍾嘉浚到外國讀書，她稍後到外國為時裝店入貨，會不理阿B反對，將仔女交給母親代為照顧。
而阿B昨日則忙於排練個唱，他在下午約五時到中環新世界大廈健身，對於前妻章小蕙及章母的指摘，他沒好氣地說：「我唔想聽，唔想理，我𠵱家要慳番啖氣，專心練歌記歌詞呀。」然後他邊行邊大聲唱出其歌曲《故事繼續》一段歌詞「故事繼續人在變，屈得到就屈，要是全部當真好快嬲，信佢心傷透……落雨兼行雷，當他唱歌跟我伴奏。」似是憑歌寄意。
採訪：娛樂突發組