民政事務局局長何志平呢排雖然俾藝展局份「文革」報告搞到好煩，但一樣無損佢巡區嘅雅興。噚日凌晨，佢就帶咗班手下走去沙田源禾路體育館參觀一項「夜青」計劃，睇一班夜晚唔願瞓嘅青少年打吓籃球，跳吓hiphop舞。何局長逗留咗四十五分鐘，十二點半先走，之後重去咗食雞粥。
八方記得，上次何局長本來已經話去巡視夜青，可惜因為暴雨警告而取消。不過三更半夜，記者趕完稿已經得番半條命，邊個咁好精力同局長四圍去！
﹙圖﹚何志平（白衣者）昨凌晨親訪「夜青」計劃，和hiphop少年有講有笑。
傳真︰2623-9278
電郵︰