方力申（Alex）、關心妍及劉愷威昨日齊往沙田新城市廣場，出席「寶寶夏日寵物鬥一番」閉幕典禮，並擔任評判及頒獎嘉賓。
方力申表示昨日出席一個簽名會時，發現自己有一名染金髮的成年男fans對自己非常癡情，他說：「個男歌迷大叫好鍾意我，又話我着衫好型，重大叫IIoveyou，Alex。」問方力申是否第一次有同性向他示愛時，他說：「係第一次，咪講多謝囉！女仔我就識處理，我會叫佢哋畀心機讀書，男仔就真係唔知點算。」
而關心妍昨日帶同母親及自己的狗仔一起出席，她表示自己小時候其實很怕狗，關心妍說：「因為媽咪成日一個人，人哋話養狗令個人有寄託，咪買咗一隻比熊犬送畀媽咪囉！𠵱家媽咪好錫隻狗，平時媽咪都唔會出席公開場合，不過狗仔出席佢就一定出席。」
採訪、攝影：楊潔雯