八方噚日見到立法會議員李家祥，問起佢個喺英國讀書嘅寶貝女李寶怡考大學考成點；李家祥好開心咁話佢個女考到6條A，可以直入牛津修讀一科包括政治、經濟同哲學嘅「三合一」學科，係牛津獨有科目。英國佬先行君主立憲，又係最先推動工業革命，加上出過唔少哲學家，寶怡讀晒英國佬三樣好嘢，日後隨時掂過佢老竇！
李家祥噚日出席青協嘅「青年立法會模擬辯論」，讚賞其中兩位青年「議員」，話十八歲嘅趙思緯講嘢非常自信，有冇道理都撐到底，成個翻版葉劉咁；二十二歲嘅港大醫科生方俊仁，溫文爾雅文采又好，十足張文光第二。
（圖）趙思緯被指是翻版葉劉，非為其髮型，而是極度自信的氣質。
傳真︰2623-9278
電郵︰