「𠵱家天氣熱，屋企又冇雪櫃，買番嚟嘅豬肉同魚，轉頭就發臭，好唔方便。」黃婆婆苦着臉說。
八十二歲的黃婆婆，身世坎坷，丈夫早逝，數名子女又在戰亂中失散，多年來音訊全無，飄泊大半生的她，過着孤苦無依的生活。
她歎道：「有時諗起，都覺得自己好淒涼，老來都無一個伴喺身邊。」
黃婆婆年輕時任職車衣及繡花女工，刻苦節儉的她，本來薄有積蓄，但早年遇人不淑，畢生棺材本也被騙去，黃婆婆為此終日愁眉落淚，良久未能釋懷。
廚房衞生惡劣
「真係臨老過唔到世，如果唔係俾人呃，就唔使買些少嘢都無錢。」說起傷心事，黃婆婆又再落淚。
黃婆婆現靠綜援金生活，三個月前獲派公屋單位，卻連基本的家庭電器，包括雪櫃和電熱水爐也無力添置，境況堪憐。
就記者所見，夏日炎炎，黃婆婆也只能用筲箕蓋着食物，廚房內蟑螂橫行，衞生情況令人擔憂。「有乜辦法，如果天氣太熱，就借用隔籬屋個雪櫃，放住啲餸菜，又或者將啲魚、肉醃鹹，冇咁容易壞。」
刻下，黃婆婆最希望可以獲善長捐贈一部雪櫃給她，以貯存食物；此外，她亦盼望安裝一部電熱水爐，方便淋浴。「有部電熱水爐嘅話，就唔使次次沖涼都煲一盆熱水，老人家冇咁容易冷親。」黃婆婆說。你願意伸出援手，助這位貧困長者達成心願嗎？
捐款編號：C0654
暖流熱線
電話：29908688
傳真：23702192
電郵：
網址：