噚日新城台慶非常墟冚，詩姐、林D8、飛哥、楊受成等政商名人及一大班明星捧場。新城搵咗中環中心七十二樓有無敵海景嘅一層辦公室開酒會，該處原本係用作紅磡海名軒豪宅示範單位，可以趁機賣吓廣告，真好橋。不過美中不足就係場內有個好隱蔽嘅小水池，好多人都唔覺意仆低，成為「陰人陷阱」。
甘國亮講起前日老頂霍建寧叫新城做雞翼尖，大讚老闆「包容、實事求是、不自吹自擂……」又當眾向全體員工話，要新城做肥嘟嘟嘅「雞翼尖」。咁又係，俾老闆話係「雞翼尖」，可能係話你矜貴，又可能暗示你似「雞肋」，大家重唔醒水，唔通想食「無情雞」？
傳真︰2623-9278
電郵︰