吳國敬今晚在灣仔會展舉行個人騷，十月又會推出一隻個人的歌曲DVD。吳國敬早前在謝霆鋒的中環band房綵排，霆鋒更以朋友價租band房給他。 緊張到失眠 吳國敬說：「呢個騷唔會賣飛，只係免費招待約六百個歌迷。而我喺霆鋒間band房綵排，因為佢畀咗個抵用價我，而且我貪呢度設計舒服、環境好，但因合約問題，佢唔會做表演嘉賓。」 吳國敬最近卻頻頻失眠，令眼睛出現紅筋。 吳國敬回應說：「可能好緊張，實在瞓唔到覺。不過眼紅咗係因為我自己喺屋企染髮，將染髮水滴咗落眼先搞成咁。」