9月1號，馬季開鑼，一眾馬迷又可以繼續搏殺，博起上嚟，在馬場開餐已經成為必然的事，以前馬場只得推車仔小食，款式少又唔飽肚，但今個馬季開始，形勢已大不同，事關沙田馬場新開的大型美食廣場「好賞食」即將開幕，場內13間不同的食肆，雲集中、日、星、馬、泰、印等多國地道美食，即叫即製，地方寬敞及各種特設的投注設備，加上價錢大眾化，以後就唔使為開餐而煩惱。
記者：黃婉冰
攝影：伍慶泉
美食坊樓下是外賣形式的小食亭，方便坐在觀眾席的人可以隨時醫肚。其中最特別的有這款燒烤豬頸肉包，豬頸肉經過機器「吉窿」，將所有筋位切斷後，用加有橙汁的BBQ汁醃上六個鐘才扒熟，用德國包夾着，都算是豬扒包的進化版。
這款馬來西亞咖喱依照傳統方法，以蝦膏、新鮮黃薑頭、香茅、乾葱、石栗、蒜頭及椰奶等多種香料煮成，以蝦膏、鮮黃薑頭的獨特香味，令咖喱味變得香濃、微辣是這種馬拉咖喱的獨特之處，加上牛腩、茄子，撈飯食夠開胃。
白千島醬珍寶熱狗（下）$15
熱狗皇所售賣的是德國熱狗，由德國運返的香腸較爽口味濃，有雞肉腸、辣肉腸、豬肉腸三種，醬汁亦有蘑菇肉醬、洋葱芝士及白千島醬，顧客可自行選配不同口味。
提到馬拉美食，首推當然是有着濃郁蝦湯的喇沙，奶白湯底用上大量鮮蝦、蝦米、蝦殼及喇沙葉、鮮黃薑、黃薑、椰奶、乾辣椒經過兩個鐘的熬製，放入米粉、魚片、鮮蝦、雞絲、芽菜，伴上葱絲點綴，今次亦不例外，蝦湯已成為整碗麵的焦點。
三鮮蒸餃（中）$10
小籠包（下）$15
台灣永和首次踏足香港，打頭炮的有招牌食品新鮮磨製豆漿、三鮮蒸餃及小籠包。豆漿每日新鮮磨製，不含防腐劑，味道濃稠和豆味重是其賣點。三鮮蒸餃內有魷魚、鮮蝦、豬肉三種餡料，以鮮味為主；小籠包每隻規定18摺，選用新鮮豬肉做餡，各有特色。
店名：好賞食
電話：1817
企位：162個
地址：沙田馬場公眾席看台地下閣樓（舊投注位置）
付款方法：只收現金
營業時間：賽馬日第一場賽事前兩個鐘至最後一場完場後半個鐘
備註：FoodCourt於９月1日正式開業。而馬場入場費每人$10。