經歷仙股風暴之後，好多細價股已經重拾升軌，易通控股（312）有機會脫離仙界，重返毫子股行列。
易通股價一度見過0.15元樓上，但在仙股風暴中，曾經低見5.4仙，睇見都嚇一驚，但近排已經爬返上嚟，噚日最高0.101元，收9.4仙，升4.4%。
經紀陳話，易通自從控股權易手之後，做過兩次注資行動，業務一早已經由辦公室家具，轉變為代理手機業務，雖然月初公司宣布業績，錄得虧損高達2.5億元，但虧損主要來自辦公室家具業務，手機代理業務反而有錢賺。
易通公布業績後冇耐，又公布將虧損嘅辦公室家具生意賣番畀主席，公司即將完成轉型，變成純粹流動通訊業務。傳聞多時嘅大型配股行動，睇怕會跟住進行，但批唔批得成，就要睇市況而定。聽講易通稍後會同證券界做多少推廣活動，可能會對股價有幫助。
慕容小初