距離十．一國慶重有成個幾月，將軍澳有「一群長者」已經急不及待想籌備國慶活動，不過就似乎冇乜人睬佢哋。一位李老先生花咗幾千蚊喺報章上刊登廣告，嚴詞訓斥將軍澳區嘅老人中心，鬧佢哋唔肯搞國慶活動，「阻住地球轉」。
李老先生同八方講，老人家體弱多病，冇辦法騰出騰入，參加喺市區舉辦嘅國慶活動。佢重學足特首董建華口脗，話老人中心應該「想會員所想，急會員所急」，唔應該漠視大多數會員嘅愛國熱情同權利。八方問過幾間將軍澳區內嘅長者中心，負責人都話未聽聞過有會員長者要求搞國慶，所以都冇諗住搞。
傳真︰2623-9278
電郵︰