假前大市回軟，恒指散178點，因為驚住美股連番上升後會有回吐，港股跌定先。滙豐（005）同中移動（941）兩隻最重磅股份成為是日火種，1隻跌1.75元，1隻跌80仙，相關Put輪大領風騷。
滙豐Put輪9006由3仙升上4.6仙，升幅53%。隻輪下月18日到期，尚餘日子有數得計，溢價7.1%，槓桿率194倍。要正股喺十幾個交易日內大跌6元以上，隻輪先至唔使作廢，正股大跌唔奇，但希望有咁嘅跌幅，相當不切實際，9006最後命運都係凍過水。
另外1隻滙豐Call輪9234，升45%，收6.8仙，10月下旬到期，溢價11.1%，槓桿率131.3倍。呢件比較9006實際得多，有兩個月命仔，時間值有番咁上下。
中銀（2388）冇受大市同滙豐下跌拖累，企定喺8.65元。兩隻熱門中銀Call輪9456同9458則同跌5%。先幾日跑贏正股，昨日調整亦好應該。兩隻輪明年2月初至到期，中銀𠵱家個價高過招股價唔多，有上升潛力，兩隻中銀Call輪揸得過，兩者條件差唔多，9458交投大過9456，溢價略高亦合理。
章 盛