波鞋街Sales訴苦Sam炒DC交氏鞋損手，入重貨變晒蟹，散貨佬話散唔到去美國都有日本仔墊底，點知𠵱家連日本仔都蟹埋，有如爆發波鞋界小股災。訴苦Sam：「呢批DC壓貨本來冇問題，平時靠關刀已可賺番條數，例如早排嗰三對逃走系列，帶挈我哋香港炒家賺咗唔少，不過最近收到風，聽講DotCoDotJP又搞番，香港行貨遲啲可能冇咁好做。」
所謂DotCoDotJP，即係日本關刀專利貨，全寫叫關刀.co.jp，特點係旗下款式只供日本發售。早前日本仔唔知發乜神經，放棄DotJP專利一年，搞到好多日本版可流到嚟香港同世界各地。
訴苦Sam繼續：「其實DotJP做番唔係唔好，啲鞋集合晒日本仔手上，貨源歸邊，炒家反而有更多水位走，不過成本就重咗好多，例如機票、日本仔應酬費等等。點到我哋呢啲散戶做？到時又益晒班大拆家。如果有日本仔Friend好碼住喇，下半年食粥食飯隨時靠佢。」
主持人：大食Jack
八卦熱報：