MP3Player發展潛力一向不容忽視，尤其係韓國生產商，機身屢創纖薄輕巧，功能上亦日趨豐富，就好似今日介紹Sherwood呢部MP3機仔咁，真係可以做到卡片咁薄，兼且重可以玩埋換機面㖭。
記者：徐影龍 攝影：陳偉強
Sherwood呢部新機第一大賣點就係夠晒薄身，只有5mm厚，機身面積亦同一般卡片差不多，真係放喺衫袋都唔覺重，攜帶上十分之方便。第二賣點就係換封面功能，除機上本身一款貼紙外，跟機另外重有四款唔同圖案嘅貼紙，用得耐覺悶亦可將封面自行更換，其實用家亦可到電腦商場搜購一種Printer貼紙，再自行列印喜歡嘅相片，變得更為獨一無二。
操控方面只設有播放、暫停、停止及模式四個按掣，無太多花巧功能，機身內置128MB記憶體，約可收錄32首標準MP3音樂，而屏幕只有一個單色LCD，只會顯示歌曲編號，歌名等資料則欠奉，而耳筒方面亦非線控設計，整體嚟講簡簡單單用得舒服，不過對於追求多功能嘅用家會略嫌不足。
ThinkingGroupLtd
查詢電話：29551000