「健康同瘦兩樣畀我揀，我諗瘦重要啲，個個女仔都係想瘦㗎啦！」曾試過一日服八十粒藥丸減肥的Kitty，半年前在朋友介紹下，服用了數個月「七仙七日常駐青免疫膠囊」，為了加強效用，更試過「打孖上」服用雙倍份量。昨日知道自己險釀成大錯後，她仍堅持不會放棄吃藥減肥，但對內地藥物信心盡失。
身高五呎、體重一百一十九磅的Kitty，十年前開始其減肥生涯，每月花三千多元購買各種健康食品及藥物，曾同時服用五個品牌的減肥食品，最瘋狂時日服八十粒藥丸。
Kitty半年前在友人推薦下開始服用「七仙七日常駐青免疫膠囊」，一個月前停用，上星期「貪得意」重新服用，隨即產生不良反應。「以前食都冇副作用，但係嗰次食完之後成個人變得好興奮，好似患咗過度活躍症咁，成日郁手郁腳，經常想搵嘢做。」
她指出，雖然在服藥期間成功減掉數磅，但由於當時亦有服用其他減肥食品，故至今不知該藥的真正成效。「我屋企重有八盒呢隻藥，但係以後都唔會再試，其他內地出產嘅減肥藥都唔敢再買，遲啲會去衞生署檢查，𠵱家都好擔心隻藥會影響健康。」
曾短暫服食該禁藥的阿May，服食首日已出現副作用：「個肚好唔舒服，谷住谷住，又頭暈，望嘢又冇焦點。」她坦言不會再服用內地減肥藥，只會吃中藥瘦身。