法國雷諾車廠近年嘅汽車設計可謂大膽創新，繼先前嘅Avantime同VelSatis之後，日前廠方又於一個關於四驅車及SUV嘅車展上，展出一款以Kangoo車系作藍本嘅SUV，並將之定名為Kangoobreak'up。
雖然Kangoobreak'up仍屬概念階段，但造型卻予人有一份活力感，除雙色車身配搭及17吋合金胎軨組合，能將之表現出來之外，車尾更設有一個類似Pick-up貨車嘅開放式尾斗，不但方便運載行李之外，用嚟放兩部單車都重得，至啱一啲喜愛戶外活動嘅用家㗎；車廂布局亦會以實用為主，空間亦見寬敞，務求令乘可感受到一個舒適愜意嘅旅程享受。另外，廠方則為其裝上一台1.6公升引擎，馬力110匹，用以驅動此車可謂綽綽有餘。有興趣嘅車迷，就要密切留意關於此車嘅最新消息喇。