長和系昨日公布中期業績，「超人」亦有出席。由於最新一期《福布斯》雜誌話美國以外最高薪行政總裁係和黃董事總經理霍建寧，大家見到霍大班的老闆，問佢點解咁闊綽？超人立即指住霍大笑說：「咁樣問，我即係要減佢人工吓嘩，咁我今年考慮吓。」昨日五十一歲生日的霍大班聞言，即刻指住提問的行家：「你叫乜名？」
有行家問，長實今年成立三十周年，超人有乜慶祝活動？超人於是又講古仔。佢話，二○○○年五月一日，他做做吓嘢，忽然記起當日係佢做生意滿五十周年，他都冇特別去慶祝，只係隨手拿起一塊朱古力食，就當作慶祝。
此外，超人昨日下午三時四十五分回到長江中心準備出席記者會之際，在大廈地下入口處見到一名外籍人士帶同小兒及菲傭經過，竟然停住腳步，轉身與小朋友握手。八方有相片為證，大家估估超人係咪好想抱孫呢？
（圖）李超人魅力非凡，連外國小朋友也以認識他為榮。
傳真︰2623-9278
電郵︰