何韻詩、Shine和Cookies昨日在烏溪沙，出席「RTHK2少年警訊大本營」。
Cookies出道之後，深得少男少女歡迎，所以Cookies的相成為信和中心的熱賣相片之一。據知Cookies一知道自己的相在信和有得賣，便即刻去視察情況，不過昨日就冇人肯認自己去過信和，Elaine說：「我自己就冇去過信和，我都唔想知邊個賣得多啲，賣得多又唔代表紅，我哋一組九個人嘛，冇分嘅！」
此外，何韻詩坦言自己小時候很頑皮，她說：「細個我都有參加過青年營，點知去玩繩索，唔小心就撞埋棵樹度，重諗住扮嘢話自己冇事，點知落到地就成條血喺塊面。重有喺小學二年班，我就偷咗個同學隻表，點知最後俾阿媽發現，重俾佢重罰。」
採訪：楊潔雯 攝影：何國豪