朱茵、陳法蓉和薛家燕前晚出席新城電台訪問，談論最近的一套新戲《不忠誘罪》，此片內容講述妻子背夫偷漢，朱茵表示自己不能容忍伴侶不忠。
朱茵說：「不忠唔一定係出咗事先叫不忠，諗吓已經係不忠，因為諗咗先至會做，一次不忠就百次不用。我唔會成日check住男友，大家之間講個信字，阿Paul（黃貫中）係工作狂，點會不忠？我欣賞佢有才華，而且都幾靚仔。男友不忠我會提出分手，假使有第三者，我會放手，因為女人要有尊嚴。」
問陳法蓉其前男友可有對她不忠？她說：「我連上個男友係邊個都唔記得，費事講啦，我唔鍾意俾人寫我暗寸邊個邊個，雖然分開咗，都想維護對方嘅，始終愛過就係愛過。」
採訪、攝影：王崇穎