雖然樓價不斷下跌，不過黃卓玲卻無懼跌市，以約二百萬元買下長沙灣泓景臺一個六百多呎的高層向海單位。黃卓玲表示現時供樓已平過租樓，所以趁現時利息低買樓自住。
近期不少發展商爭相推出新樓盤，而位於長沙灣的泓景臺二期以「截胡價」二千多元一呎推出，引來過千市民通宵輪候，不少原本打算買居屋的市民都「跳槽過檔」。而上周六晚八時許，黃卓玲亦在黃埔現身，參觀泓景臺二期示範單位，更即時「扑槌」，買了一個六百多呎的高層向海單位，價錢約二百萬左右。
記者其後到場採訪，當時黃卓玲仍未離開，不過她表示由於和朋友一起，故此不願接受訪問。事後記者再致電黃卓玲，她說：「我覺得係時候投資買樓，因為𠵱家供樓已經平過租樓，交租都要萬幾蚊一個月，但最後層樓都係人哋嘅，不如供番層樓畀自己好過。」
近年樓價一直下跌，問黃卓玲可會擔心變負資產人士？她說：「𠵱家咁低息，樓價最多咪再跌五至十個巴仙，所以我都唔擔心。我買呢度係因為鍾意佢個會所，有人造沙灘泳池，又有室內外泳池，又可以做gym，啱晒我。」
黃卓玲續道：「至於地點，因為我揸車出入，所以住邊度都冇乜所謂。呢度有車位，買同租都得，不過最快都要○三年尾先至入伙，所以我諗住到時先決定買唔買車位。」
採訪：張止寒
攝影：汪正文