劉鑾雄即將成為第三任父親，據可靠消息透露，大劉新女友呂麗君懷有的七個月身孕，已證實是男丁，預產期則是十一月。而大劉的前度女友關之琳昨日提及大劉再做父親一事時，表示這是一件喜事。
劉鑾雄（大劉）的新女友呂麗君（Yvonne）懷有二人的愛情結晶，大劉將第三次做父親，根據可靠消息透露，呂麗君懷孕已經七個月，預產期是今年十一月，如無意外，呂麗君會在港島區嘉諾撒醫院生產，而且腹中塊肉，已經證實是男丁，真是可喜可賀。
現年二十五歲的呂麗君，曾於九八年參選港姐，當時她在志願一欄中，填的是「成為成功人士」，可惜她未能進入決賽，同年她便赴英修讀碩士課程。
記者昨日致電大劉，向他求證呂麗君是否懷有七個月身孕，及BB是否男嬰時，大劉說：「我唔回應，因為私人嘅嘢真係唔想講太多。不過我都想呼籲一下，希望全港所有醫院嘅員工，都應該有啲職業操守，無論係病人或者係孕婦，都唔應該將佢哋嘅資料洩漏出去。亦希望醫院監管吓啲護士、阿嬸，唔好用是非做人情，或者係出賣資料收受茶錢，因為呢啲嘢係私隱，亦係佢哋最基本要有嘅職業道德。」
而大劉的前度女友關之琳（之之），昨日身穿TSE名牌現身中環Q8餐廳舉行的時裝展。問之之可知劉鑾雄將再做父親時，她說：「我知，我有睇報紙。」可會致電恭賀大劉？之之說：「你哋幫我打咪得咯，我已經同佢冇聯絡。」
再問大劉可曾向她透露有意再生育時，之之說：「沒有。」若大劉再婚她可會感驚奇？之之答：「唔知，不過生細路仔，始終係一件喜事。」
假如大劉請飲喜酒，之之可會到場？她說：「我都唔知點答你哋。」
提及大劉認為有人刻意放料，之之說：「我唔批評呢件事，因為我都唔知頭唔知路。」
而對《蘋果》前娛樂版記者陳凱韻加入華置，並用四百萬元現金買樓一事，之之說：「呢啲嘢我唔知。」
之之位於渣甸山的嘉雲臺豪宅寓所，現時市值二千多萬元，一直有傳是大劉送給之之的禮物，近日亦有消息指之之將單位放盤。
問及之之此事時，她說：「咁多年前嘅嘢唔好講嘞，我又唔可以由頭到尾講晒成個故事畀你聽，故事好複雜，有好多嘢你哋唔知，你哋又點知我唔係用自己嘅錢買呢？唔通我畀本紅簿仔你哋睇咩！」
記者問之之可覺得大劉很有魅力時，她即反問說：「你哋話呢？」
採訪：張止寒、林妙萍
攝影：陳志嵐