由本報娛樂名人版舉辦的暑期活動「偶像齊齊玩」，今次已是第七次與大家見面。陳曉東、李彩樺（Rain）、方力申及周麗淇（Niki）四位人氣偶像，上周六於九龍灣國際展貿易中心，讓二十位《蘋果》讀者任畫唔嬲。
上周六（十七日）參加「偶像齊齊玩」之「齊齊畫偶像」的二十名《蘋果》讀者，包括十三女七男。他們分成四組，每五人一組，各以自己喜愛的方式來繪畫陳曉東、李彩樺、方力申及周麗淇四位偶像，最後再由偶像選出最喜愛的一幅，簽上大名及與參加者合照留念。
被選中的作品分別有「人魚版方力申」、「可愛版周麗淇」、「殭屍版陳曉東」及「瘦版李彩樺」，每幅都是fans精心之作，創意無限，令一班偶像讚歎不已。
當日每位fans都爭分奪秒，施展「極速繪畫法」，希望在最短時間內完成作品，以便有更多時間與偶像相聚。
畫完偶像後，只見東東的fans最瘋狂，爭相向東東索簽名及拍照。而Niki有求必應，亦是較受歡迎的一位，有fans更自製一幅Niki大型剪貼圖送給她。至於方力申與阿Rain的fans則比較文靜。
阿Rain說：「啲fans畫得又快又唔錯，若果係我畫我嘅偶像，一定手震到畫唔到。我未試過同fans有咁近距離嘅接觸。今次選出嚟嗰張由阿生畫嘅畫，畫得我好瘦，所以我選佢。」
而出道不久的Niki於今次活動後，才發現自己原來亦有一班忠實fans，她說：「好開心，fans好有心意，好感謝fans參加呢個活動，所以歌迷嘅要求都盡量做。揀Amanda畫嗰幅係因為佢好有心機，佢重用顏色嚟畫，好有誠意。」
採訪：羅慧敏、王連連
攝影：陳志嵐