如果要數德國福士汽車至深入民心嘅車款，相信非Golf莫屬。上年剛剛係福士GolfGTi面世25周年嘅日子，當時廠方話會推出一部25周年紀念版型號，令不少車迷雀躍；惟當時代理話此車僅得左軚供應，因而令唔少香港嘅Fans失望。事隔一年，代理終於傳來消息，話會有批數量有限嘅右軚版GolfGTi25周年紀念型號配額，雖然熱情稍降，但話晒部紀念版嘅GolfGTi仍有其可取地方；諸如全車大包圍配搭、四輪18吋合金胎軨、跑車桶椅、Racing腳踏，重有一台輸出180匹嘅1.8公升直4偈，匹配6前速手動波箱組合噃！聽講亦有Fans認購，惟同期車迷嘅注意力，難免會落響另一款頂級GolfR32身上，究竟買紀念版GolfGTi，定係等到年底買GolfR32呢？若然你係Golf嘅忠實Fans的話，相信亦難以抉擇喇！