華潤勵致（1193）一直都係中資悉心培育嘅工業股，但自從幾個月前，百記幫佢在94仙批咗幾億股出街後，股價已經散散地，再經歷仙股風暴，最低插落55仙水平，無論高位追入者，抑或配股要貨者，無不聞者傷心，見者留淚。
不過，勵致跌得甘時，重識得彈返上嚟。隻股噚日升4.35%，收72仙，但係距離94仙配售價，仍然有一大段距離。
經紀陳話，隻股將在下周三公布業績，另外在6月份時，公司廣邀證券界睇廠，當時講明會在幾個月內收購一間半導體企業。收購一旦落實，唔排除又再配股集資，若公司真係有心做嘢，無理由唔趁家陣氣氛好番啲做準備。
另外，控股權易手兼且改名嘅華南實業（554），噚日公布以每股23仙配股後，股價急升28.5%，收31.5仙，但成交好細，只得276萬元，加上配售係以盡力配售，唔係全數包銷，睇嚟誠意都好有限。
慕容小初