佘詩曼（阿佘）為卓悅纖體擔任代言人才兩個月，但昨日有報道指她犯上五宗罪，令卓悅有意飛起她。卓悅老闆娘昨日接受訪問時力撐阿佘，表示阿佘的黃蜂腰太深入民心，故要另覓他人拍攝新的廣告。
佘詩曼任卓悅纖體代言人，至今僅兩個月，但最新一期《壹週刊》的報道指阿佘拍廣告之後，犯上五宗罪觸怒了卓悅，同時阿佘的拼搏程度亦不及郭羨妮以三點式為莎莎纖體宣傳，故有傳卓悅決定飛起阿佘，另覓代言人。
報道又指阿佘的工作態度甚有問題，所犯「罪行」包括拒穿泳衣、經常改期拍攝令廣告商蒙受損失、拒卓悅安排其緋聞男友林家棟及陳浩民出席其纖體記者會、指公司有內鬼放料唱衰她及不肯做宣傳。
卓悅老闆娘葉太昨日接受本報電話訪問時，表示阿佘的代言人地位不變，但下月拍攝新一輯的Spa廣告，的而且確會物色另一位靚女任代言人，考慮的人選包括徐子淇、黎姿和關之琳等。
葉太在電話說：「阿佘嘅代言人身份冇變過，只不過因為阿佘嘅二十二吋黃蜂腰好深入民心，我哋先物色人選做另一輯唔同廣告嘅代言人，畀啲新鮮感觀眾，至於搵邊個就要暫時保持神秘。」
對於阿佘被數的五宗罪，葉太說：「我哋要強調對阿佘冇不滿，係啲報道誇張咗，佢冇時間影相要度期，我哋由簽佢第一日已經知啦，佢冇扭計，佢拍廣告着嘅衫，係我陪佢一齊揀嘅，而搵唔到林家棟同陳浩民宣傳，係撞正佢哋開工。話阿佘唔做宣傳重冇可能，佢遲啲會幫我哋嘅新店剪綵，聖誕重會拍新廣告㖭。」
此外，林家棟昨日在電話中亦說：「卓悅係有聯絡過我，但我唔得閒，分身不暇啫。」而記者曾致電阿佘，惜至截稿前對方仍未回覆。
採訪：朱芷瑩