合和慶祝成立三十年酒會，畀面出席嘅政商名人，盡顯GordonWu（胡應湘）江湖地位，特首、董建成、飛哥、李國寶、郭炳聯、李澤鉅、許仕仁、陳永棋、新華社副社長鄒哲開……酒會門口只見一架又一架平治寶馬來來去去。
Gordon噚晚心情非常靚，對住記者大發議論，由九七金融風暴；印尼、泰國項目損手百億，如同「當頭俾人扑一掍」，講到四十幾年前自己第一份工嘅人工連老婆都養唔起，講講吓又窒已退休的港府官員吳榮奎無料，誤導市民。佢嘅公關想結束記者會，Gordon都主動話要畀記者問多幾條問題。
佢𠵱家最緊張就係合和總部旁邊嘅酒店項目，原因好簡單，佢七十歲前一定退休，今年六十六，即係只剩四年。佢退休並非因為健康理由，Gordon將掌管事業比喻為揸車，大讚個仔「揸車揸得好好」，自己呢啲「老嘢要通氣」，係時候交個車軚畀下一代。
（圖）胡應湘（左）與太太及兒子胡文新迎接到場嘉賓。 程志遠攝
傳真︰2623-9278
電郵︰