中央政策組呢排四出搜刮學者，研究呢樣，研究嗰樣，可惜呢個政府冇嚟威信，又唔肯畀錢，搞到人哋好似幫又煩，唔幫又難。八方收到風，政府有好多環保新猷想推出，為咗萬無一失，事先想徵集吓四方學者意見，點知搞到學術界怨聲載道。
一位受到政府垂青又初步應承咗幫手嘅學者同八方講，答應咗之後極度後悔，因為呢份絕對係義工，唔止無錢收，連自己做研究嘅時間都畀埋政府。唔好以為學者為咗成為政府顧問而感到自豪，學者甲就認為，家陣香港地冇乜學者會覺得幫政府做嘢係一種榮譽。八方好同意，道理好顯淺，一個唔係民選嘅政府，的確都好難得到人民認同嘅！
傳真︰2623-9278
電郵︰