陳曉東（東東）日前接受新城《一個靚墟》節目訪問，提到與他屬同一經理人公司的舒淇，東東讚不絕口說：「佢好叻，份人好好玩好可愛，工作好專業，同親佢唱K，佢都鍾意唱《我愛洗澡》囉。」
東東被問到他初出道時，常被指說話喜歡「帶人遊花園」，他解釋說：「只係有時有啲嘢我唔想答，人哋咪以為我有心耍佢哋囉，或者我以前比較易得罪人啩。」
此外，《一》節目主持人又找梁詠琪（GiGi）在節目中說出她對東東的印象，二人互送高帽，GiGi說：「我覺得東東好正人君子，講嘢唔會刻意攻擊人，唱歌又好聽，聲底好似陳百強。」東東則說：「我呢排都冇見過佢（指GiGi），不過我知佢工作方面幾好，希望佢更上一層樓。」