剛與謝霆鋒分手的張栢芝，最近又因與古天樂（古仔）合作電影《我家有一隻河東獅》而傳緋聞。有周刊指兩人在上海拍戲期間表現投契，古仔更經常講笑逗栢芝開心，不過昨日兩人分別否認戀情。
張栢芝與古天樂（古仔）合演的新片《我家有一隻河東獅》已拍攝完成，並安排在下月尾上映。栢芝剛與謝霆鋒分手，不過最近又有雜誌指栢芝在上海與古仔拍片時，兩人十分投契，古仔更經常逗栢芝開心。不過記者昨日向兩位當事人求證，他們均異口同聲否認戀情。
張栢芝的經理人中國星公司發言人李小姐，昨日在電話中說：「絕對冇咁嘅事，冇必要回應。之前啲雜誌又寫栢芝早排以腰骨痛為理由，所以專登請咗兩日假，目的係同霆鋒去泰國玩，但根本冇啲咁嘅事，栢芝事實係因為腰骨痛請過日半假，但當日佢只係返咗香港休息，並唔係去咗泰國玩。呢啲報道亂作嘅，栢芝當然係唔想回應啦。」
栢芝近期正忙於灌錄《我家有一隻河東獅》主題曲，她對這部電影十分重視，而她的戲份亦很重，故此希望電影上映時能夠有不俗的票房收入。
至於緋聞男主角古仔，對於有報道指他與栢芝在上海十分投契，古仔昨日在電話中說：「唔係事實嘅事，我冇回應。拍完呢部戲之後，下個禮拜我會返北京拍馬楚成部新片，可以遠離是非地。拍完呢部戲之後，十月又會返香港再拍賀歲片。」