蕭正楠一提接吻戲尷尬

蕭正楠早前拍攝網上連續劇《沙灘排球梳乎里》時，與靚女模特兒Isabelle合演一場接吻戲，他還獻出其螢幕初吻。

「只係蜻蜓點水」
蕭正楠昨日到奧海城出席商台《飛雁剪出心連心》活動時，提到此事即表現得十分尷尬，他說：「呢個鏡頭拍咗三次左右啦，因為NG咗兩、三次嘛，其實只係蜻蜓點水咋。」
蕭正楠在海南島與Isabelle拍戲時有不少親密接觸，更被指獲對方大派「波餅」，對此他說：「乜波餅呀？唔好咁講啦，影相角度啫。」問蕭正楠對Isabelle可有好感，他說：「佢係靚女，我哋都用廣東話溝通，佢好勤力，成日背對白㗎，不過我𠵱家寄情工作，唔諗住咁快拍拖，隨緣啦。」
採訪：胡比