楊千嬅的個唱被批評得體無完膚，她的前男友鄭中基趁機雪中送炭，兩度往紅館現身支持，又表示走音不是問題，力撐千嬅，莫非他想箍煲？
楊千嬅前晚在紅館演出第五場個唱，她的前男友鄭中基（Ronald）、方力申和李彩樺都有往捧場。
前晚八時四十五分千嬅才開騷，Ronald繼日前千嬅第三場個唱捧場後，前晚他特地與方力申和李彩樺再捧千嬅場。
對於千嬅的個唱被指遲開騷、出現悶場、服裝和髮型誇張得嚇人、唱歌又走音等，昨日本報記者致電Ronald，問他千嬅前晚演唱時可有走音？Ronald力撐千嬅謂走音不是問題，他說：「走音唔係大問題，唱現場通常都會有少少走音，係人都會，主要睇嗰個人本身嘅身體狀況。」
問Ronald看了千嬅個唱多少次？他說：「第一次睇咋，上次只係去打個招呼。我今日（昨日）有嘢做，噚晚（前晚）趁有時間咪去睇囉，幾好睇呀。」
Ronald表示給千嬅八十分，至於為何扣二十分？他說：「佢太攰囉，有啲疲態，冇辦法啦，唱咁多場。」問Ronald會否再去捧場？他則說：「唔係啩？唔再睇啦。」
問鄭中基千嬅有否為個唱被批評而向他訴苦？Ronald說：「我唔知佢唔開心喎，冇傾過呀，我噚晚（前晚）都係開騷前入後台同佢打聲招呼，話goodshow咁咋。」
採訪：駱華齡、王連連
攝影：駱華齡