俗語話「外甥多似舅」，民建聯主席曾鈺成當年係港大高材生，佢外甥女麥丹都唔弱，今年在英國預科高考攞到五條A入劍橋大學。八方重收到風，下個月始公布結果嘅怡和獎學金，麥丹亦係得主之一，獎學金足夠支付佢嘅學費、書籍費、食宿費、生活費及往返大學嘅交通費等。呢個獎唔易攞，每年亞洲地區只有五個名額咋。
麥小妹妹父母都係傳媒中人，父親係《經濟日報》社長麥華章，母親係《香港商報》前助理總編輯曾勵予，係曾鈺成親妹。麥丹隨父母移民到英國後，入讀當地著名私校聖保羅女子中學。及後父母分居，麥華章返港工作，而曾勵予則在TVB位於英國嘅新聞部任編輯。
麥小妹妹兩年前喺英國會考考到十一條A，除咗一般嘅數理化外，連法文、拉丁文同西班牙文都攞A，認真唔簡單。聽講呢次申請獎學金，都係麥丹自己翻閱報紙時睇到，咁就得咗。
（圖）曾鈺成外甥女麥丹，高考揸住五支火箭入劍橋。
傳真︰2623-9278
電郵︰