劉曉彤曾跟宣萱鬧不和，前晚她參加無綫遊戲節目《吾係獎門人》錄影，在猜謎環節時，吳家樂要給提示予劉曉彤猜宣萱的名字，他竟提示是劉曉彤最憎的人，劉曉彤一聽提示後即答「宣萱」。
蒙嘉慧、吳家樂、劉曉彤及張可頤等，前晚在無綫電視城參加由曾志偉、錢嘉樂和林曉峰主持的遊戲節目《吾係獎門人》錄影。
劉曉彤跟吳家樂合作玩「吾係落大閘」時，吳家樂要給提示予劉曉彤猜，其中一條問題的答案是「宣萱」。劉曉彤與張可頤早前曾跟宣萱鬧不和，未知可是這個原因，吳家樂竟提示說：「你最憎嘅人。」而劉曉彤明知故問：「係咪做呢行㗎？」結果劉曉彤即答中答案「宣萱」，她還跟張可頤說：「你都好『鍾意』嗰個！」
問劉曉彤對於吳家樂給予的提示有何感覺？她說：「咁樣講會容易估啲，我唔覺得家樂咁講靠害，得啖笑。呢個環節玩好啲可以攞多啲分。」劉曉彤為何拉張可頤落水，她說：「佢（指宣萱）係大家鍾意嘅同事，makesure係，冇乜嘢大不了，好多人我都好憎，吳家樂我都好憎。」對於被劉曉彤拉落水，張可頤說：「我見到條問題，我都教佢話唔識答，咪當笑話咁聽，冇殺傷力，我唔介意俾人再提。」
此外，蒙嘉慧早前因為做出舉高手嗅腋窩的動作，故被雜誌指她有臭狐。蒙嘉慧前晚再次做出那個動作，蒙嘉慧說：「好似有周刊寫話我有臭狐，我咪聞吓有冇臭狐。」而蒙嘉慧亦因被人取笑胸細，在玩遊戲時她挺起胸膛示人，她說：「其實玩吓啫，當講笑。」