炎炎夏日，最佳活動當然係碧波暢泳，但對於鍾意新鮮刺激嘅朋友來講，普通水上樂園已經唔可以滿足到佢哋，所以大家不妨考慮到位於中山五桂山的翠竹林奇趣樂園刺激一番，喺二千米長嘅激流一展身手；玩埋滑草、越野四驅車等速度玩意，實行過個至激中山之旅。
記者：劉耀 攝影：偉信 Model：Carrie
翠竹林奇趣樂園的二千米激流，共分四部份，頭段約500米為實習區，在人工製造的河道上讓你熟習橡皮艇的基本操作，當中亦有小急流給你先熱身。第二部份係自然區，自然的河道水流亦開始加強。第三部份可以講係整個激流旅程的主菜──急流區，起伏不定的河道令水流湍急得多，最斜之河段更令橡皮艇傾側幅度達45度。最後進入逍遙區，刺激過後可在茂密叢林間的河道上隨意漂流，寧靜地欣賞兩岸風光。
激流之旅
全程：30至45分鐘
橡皮艇：最多可載4人
裝備：每隻艇獲發兩支槳，每人必須佩戴頭盔、救生衣
安全：河道兩旁有救生員監察，確保安全
建議：若果唔想衫褲濕透，可以換埋泳衣先好落水
收費：平日?68，假日?78
滑草場面積9500呎，共分初學區和高手區兩部份，初學區傾斜度為45度，速度並不快，就算新手都可以應付自如。高手區傾斜度達60度，自命高手嘅朋友絕對咪錯過。而兩個滑草場均完全獨立，各有各滑，唔怕炒埋一碟，保證安全。所有參加者都要佩戴頭盔、護腕及護膝。
收費：每小時?30（包滑草器材）
翠竹林奇趣樂園
地址：中山市五桂山城桂公路邊
電話：（760）8201295
交通：從香港乘船到中山港，轉乘的士約35分鐘，費用約?70
時間：早上8:30至下午6:00
入場費：?10（成人）?5（小童）
除咗滑草可以帶畀你刺激之外，越野四驅車一樣可以帶畀你另一種快感，在全長400多米的越野賽道上，有不少凹凸不平的地段，更「附送」多個泥濘水氹，考驗你駕駛技術之餘更具挑戰性。而所有越野四驅車均由外地進口，時速最快可達30公里，所有「車手」都要戴上供應的頭盔方可落場，保障各玩家安全。
收費：?50/15分鐘
翠竹林本身亦設有渡假村，等大家玩到攰可以瞓番晚，唔使頻頻撲撲之餘，亦可享有村內的遊玩設施。渡假村距離翠竹林約10分鐘車程，每日有多班專車免費接載旅客往返翠竹林與渡假村。
1985年由法國人率先玩的攀岩玩意，在翠湖渡假村一樣有得玩，高約50米的岩石牆，差不多有兩層樓高，定能考你身手與膽識。
費用：?15（無限時間，三次攀頂機會）
翠湖渡假村
地址：中山市南區北路
電話：（760）8892888
交通：從香港乘船到中山港，轉乘的士約45分鐘，費用約?90
這裏的水上單車像滑浪板與單車的混合體，一個或兩個人踩都得。
費用：?15（單人）?30（雙人）
渡假村內除了有一般房間外，還設整幢式三房（右圖）或四房兩廳別墅，客廳設計得古色古香。
豪華雙人房：?295起
三房別墅：?800起
四房別墅：?1000起