商台節目《茶煲裏的查篤撑》昨日播出蘇永康（康仔）的錄音訪問片段，被問到從勒戒所釋放出來後，精神上有否受到困擾時，康仔說：「去之前有，喺去之前兩個月真係處於一個白色恐怖裏面，我就連坐喺屋企都覺得唔安全。」
康仔續道：「喺追查呢件事期間，我覺得患得患失，情緒變得愈嚟愈低落。後來我同一個心理醫生朋友傾偈，佢重斷定我同我太太兩個都有憂鬱症。但𠵱家事過境遷，個病都不藥而愈啦！」
此外，由車淑梅及陳百祥等主持的港台節目《開心日報》，昨日亦播出康仔的錄音訪問，對於有沒有被人慫恿過吸食軟性毒品一事，康仔說：「冇，但係我哋做演藝界咁耐，某情況下會見過。其實我唔認為吸咗呢種軟性毒品之後會對音樂或對演戲有所激發。」