鍾鎮濤近日忙於為本月二十七及二十八日，在紅館舉行的個唱作籌備工作，又不時與監製開會，研究個唱內容。而其女友范姜亦沒有閒着，正秘密為阿B準備一段短片在個唱上播放，準備給阿B一個驚喜，可惜最終還是被男友識穿。
阿B說：「佢邊有咁易呃到我，我知佢搵咗好多老友拍咗段片支持我，不過條片我都未睇過。」
據知范姜找來關之琳、周潤發、成龍、鞏俐、劉德華及梁朝偉等巨星老友，每人向阿B說一段鼓勵說話。阿B說：「呢啲朋友我都識咗好耐，佢哋咁畀面同支持，我真係好感激。我特別想多謝關之琳同黃家諾，黃家諾請埋佢喺美國嘅爸爸返嚟睇我嘅個唱，世伯重喺美國帶咗盒靚人參話畀我補氣，大家咁有心，我真係講一百句多謝都唔夠。」