比亞迪（1211）由掛牌至今，股價不斷創新高。經紀陳話，隻股一來貨源歸邊，二來下周一公布中期業績，新股業績例牌一定靚，所以班大陸炒家先行炒高。
比亞迪噚日最高見14.95元，收14.65元，升5.78%，成交金額有成9100萬元。
經紀陳話，比亞迪在仙股風波期間招股，當時人心惶惶，唔係好多散客要貨，所以貨源十分集中，加上有個鬼佬芬，自比亞迪上市之後，密密喺市場吸納，所坐嘅貨已經佔咗街貨10%，幫班炒家打咗支強心針，令佢哋有信心繼續玩。
比亞迪包裝得咁掂，吸引到唔少芬佬捧場，但個場搞得咁旺，大陸炒家嘅功勞亦不可抹殺。經紀陳話，聽聞參與炒作嘅大陸炒家，有多少軍隊背景咁話。
另外，經紀陳果然開口中，噚日隻辰達永安（1189）真係反彈，但尾市則後勁不繼，出現好大沽盤，睇嚟隻股短期內都係行人止步。
慕容小初